Santiago de Compostela, 27 de xullo de 2012. A distribución do material divulgativo "Os dereitos da infancia" do Valedor do Pobo complétase desde hoxe coa posta a disposición de todos os interesados do cartel en formato dixital.

Desde este momento o material permanece dispoñible para ser descargado por quen o desexe no seu formato orixinal no seguinte enlace: http://www.valedordopobo.com/index.php?s=156

Deste xeito complétase a iniciativa do Valedor do Pobo encamiñada a facer pedagoxía dos dereitos entre a poboación, especialmente entre os menores e as súas familias. De feito, nas últimas semanas acometeuse a segunda fase da campaña co envío do cartel ás consultas de pediatría de todos os centros de saúde da comunidade así como a centenares de bibliotecas, concellos, ludotecas, entidades sociais e oenegués.

Na primeira etapa a difusión centrouse nos centros escolares situados na comunidade.

Agora está a disposición de todos os interesados o material en formato pdf.