Santiago de Compostela, 24 de febreiro de 2012.  O Valedor do Pobo, Benigno López González, recibiu hoxe no seu despacho da compostelana Rúa do Hórreo ao Delegado do Goberno en Galicia, Samuel Juárez Casado. No encontro, o primeiro que celebran ámbolos dous representantes dende que o delegado tomara posesión, repasaron cuestións que se atopan na axenda de ambas institucións, e trasladáronse os seus desexos mutuos de colaboración nas materias que así o precisen.

A xuntanza comenzou ás 12.30 horas na sede da defensoría. Na mesma, o Delegado do Goberno tivo a oportunidade de deixar a súa sinatura no libro de autoridades da institución. Durante unha hora, ámbolos dous representantes cidadáns repasaron a axenda galega no que a cuestións de seguridade se refire. Entre outros aspectos, o Valedor do Pobo consultou ao Delegado do Goberno algunhas particularidades da queixa iniciada de oficio pola institución ante a presenza de persoas conflictivas na céntrica Plaza de Pontevedra coruñesa, a escasos metros dun centro escolar,  e despois de solicitar informe ao Concello.

A seguridade e últimos e tráxicos acontecementos rexistrados na comunidade estiveron entre os principais temas de conversa. Tanto o Valedor do Pobo como o Delegado do Goberno en Galicia amosaron a súa satisfacción pola cordialidade do encontro e comprometéronse a manter estreitos lazos de colaboración sempre que as súas actuacións converxan.