Santiago de Compostela. O Valedor do Pobo, Benigno López González, recibiu esta mañá a visita institucional do Xefe da Forza Loxística Operativa, Juan Enrique Aparicio Hernández-Lastras. É a primeira ocasión en que o Valedor se entrevista na súa sede co alto cargo militar que tomou posesión o pasado 17 de decembro no Pazo de Capitanía da Coruña.

A recepción enmárcase no conxunto de visitas previstas polo Xefe da Forza Loxística a diferentes institucións autonómicas.

O Valedor do Pobo, por outra parte, recibiu tamén durante esta xornada o Delegado de Defensa na comunidade, José Abad Vila, que se desprazou dende a súa sede no Cuartel de Santo Domingo en A Coruña, ata as dependencias do defensor en Santiago.