Santiago de Compostela. O Valedor do Pobo difunde a través da súa páxina web a nova guía da Agencia Española de Protección de Datos para favorecer a navegación segura dos nenos y facer unha serie de recomendacións ás familias.

O documento, dispoñible só en castelán na súa versión dixital neste vínculo, distribúese por medio da páxina web da axencia. O Valedor quixo favorecer a súa difusión debido ao seu interese e por repercutir nun colectivo, o dos menores, ao que adica un sinfín de actuacións cada ano, dada a súa vulnerabilidade.  

Nas páxinas do manual explícase aos nenos, cun aspecto visual, os seus dereitos á hora de adentrarse no mundo virtual, e aos pais os seus deberes para preservar de perigos e malos comportamentos aos seus fillos.